Xeres de la clas 7 (20/04/2020) (Y videu)

📺 L’asturianu n’EducasturTV (TPA) – Clas 7: Llingua Asturiana y Lliteratura en TPA con Inaciu Galán.

📌 Conteníos y xeres.

-Conocimos la hestoria de la llingua asturiana nel sieglu XVIII al traviés de la figura de Xosefa y Gaspar de Xovellanos. Equí tienes un videu resume de les sos vides.

-Repasamos el vocabulariu de la comida, coles coses que tenemos na cocina. Ayuda en casa a facer la llista de la compra, usando esti vocabulariu. Cuelga la llista en redes, citando a @asturianuTV. Asina vas difundir el vocabulariu n’asturianu.

-Conocimos la webserie Chatarrona. Equí puedes ver tolos capítulos d’esta serie n’asturianu. ¡Cuéntame qué te paez nes redes, citando @asturianuTV.

-Sentimos al grupu L-R y sentimos un cantar de so. Déxovos equí un conciertu completu pa que los conozas más.

¡Vémonos na próxima clas!